पाकिस्तानमा भयो हिन्दू मन्दिर सम्पदा स्थल
<p>काठमाडौं। आफैंलाई मुस्लिम देश भन्ने पाकिस्तानमा हिन्दू मन्दिरलाई सम्पदा स्थल घोषणा गरिएको छ।</p>
<p>पाकिस्तानको उत्तर–पश्चिममा रहेको प्रान्त खैबर पख्तुनख्वाको सरकारले त्यहाँ रहेको प्राचीन ‘पंज तीरथ’ क्षेत्रलाई सम्पदा स्थल घोषणा गरेको हो। </p>
<p>यहाँ रहेका पाँचवटा पोखरीका कारण यस क्षेत्रको नाम ‘पंज तीरथ’ रहेको हो। यहाँ एउटा मन्दिर र चौर पनि छ।</p>
<p><strong>पहिले नै ध्वस्त पारिएको क्षेत्र</strong></p>
<p>पंज तिरथ क्षेत्रलाई सन् १७४७ मा अफगान दुर्रानी वंशको शासनको क्रममा ध्वंस गरिएको थियो।</p>
<p>तर, सन् १८०० को शुरुवातमा तत्कालीन शिख शासनको समयमा स्थानीय हिन्दूहरूले यसको पुनस्र्थापना गरे।</p>
<p>सम्पदा घोषणापछि त्यहाँको सरकारले यस क्षेत्रमा भएको अतिक्रमण हटाइने र थप जिर्णोद्वारका लागि पुरातत्वविद्हरूलाई जिम्मा दिइने बताएको छ।</p>
<p>यो क्षेत्र महाभारतकालीन राजा पाण्डुको अधिनमा रहेको विश्वास गरिन्छ।</p>
<p>खासगरी कात्तिकमा हिन्दू धर्मावलम्बीहरू यी पाँच पोखरीमा नुहाउन आउँछन्।</p>
<p>प्रान्तीय सरकारले यो ऐतिहासिक क्षेत्रमा क्षती पुर्‍याउनेलाई दुई लाख रूपैयाँको जरिवाना र पाँच वर्ष कैद सजायसमेत तोकेको छ।</p>
<p><strong>हिन्दू विवाह कानून</strong></p>
<p>हिन्दू धर्मावलम्बीको पक्षमा पाकिस्तानले अर्को काम पनि गरेको छ। ईश्वी सम्वत्को नयाँ वर्ष शुरुमै पाकिस्तानले ‘हिन्दू विवाह कानून’ पारित गरेको छ।</p>
<p>यो कानूनले पाकिस्तानका हिन्दू अल्पसंख्यकहरूलाई विवाह दर्ता गर्ने र सम्बन्धविच्छेदका लागि अदालतमा निवेदन दिने अधिकार प्रदान गरेको छ।</p>
<p>यो कानूनले सम्बन्धविच्छेद गरेका हिन्दूलाई पुनर्विवाहको छुट पनि दिएको छ।</p>
<p>अब पाकिस्तानमा बस्ने हिन्दूले ‘सादीपरत’ नामक विवाह प्रमाण पत्र पाउनेछन्।</p>
<p>त्यहाँका मुस्लिमहरू ‘निकाह नामा’ पाउने गरेका थिए।</p>
<p><em>- द लजिकल इन्डियाबाट</em></p>
<p> </p>
प्रतिक्रिया दिनुहोस्
.jpg)
