चितुवाको आक्रमणबाट तनहुँमा बालकको मृत्यु
<p>तनहुँ। चितुवाको आक्रमणबाट तनहुँको आँबुखैरेनीमा एक बालकको मृत्यु भएको छ।</p>
<p>चितुवाले आक्रमण गर्दा आँबुखैरेनी गाउँपालिका-१ खरानी गाउँका ८ वर्षीय पुजन सिंजाली मगरको मृत्यु भएको जिल्ला प्रहरी कार्यालयले जनाएको छ। <br />
<br />
मावली घरबाट घर फर्कने क्रममा बालकलाई २० पुस साँझ चितुवाले आक्रमण गरेको थियो।</p>
<p>उनी स्थानीय सूर्योदय आधारभूत विद्यालयमा दुई कक्षामा अध्ययनरत थिए।<br />
<br />
लामो समयसम्म घर नफर्किएपछि खोजी गर्दै जाँदा घरदेखि पूर्व करीब २०० मिटर भिरमा उनी मृत फेला परेको प्रहरीले जनाएको छ।</p>
<p>डिभिजन वन कार्यालयका प्रमुख केदार बरालका अनुसार चितुवाको आक्रमणबाट तनहुँमा सातजना बालबालिकाले ज्यान गुमाइसकेका छन्।</p>
प्रतिक्रिया दिनुहोस्
.jpg)
