फोटो प्रतियोगिताको आवेदन खुला
<p>काठमाडौं। सातौँ संस्करण नेपाल फोटो प्रतियोगिता २०७६ मा समावेश हुन आवेदन खुला गरिएको छ। फोटो जर्नालिस्ट क्लब, नेपालले आफूले खिचेका फोटोलाई प्रतियोगितमा समावेश गर्न आग्रहसमेत गरेको छ। </p>
<p>ग्लोबल आइएमई बैंक नेपालका अध्यक्ष चन्द्रप्रसाद ढकालले २० पुसमा आयोजित पत्रकार सम्मेलनमा सो प्रतियोगिता शुरु भएको घोषणा गरे। </p>
<p>विभिन्न सात विधामा प्रतिस्पर्धा गराइने आयोजकले जनाएका छन्। व्यावसायिक र सौखिन सबै खाले फोटोग्राफर तथा फोटो पत्रकार सहभागी हुन सक्ने छन्। प्रतियोगितामा विदेशी नागरिक र विदेशमा खिचिएको फोटोलाई समावेश गरिने छैन।</p>
<p>खेलकूद विधामा नेपाल बाहिर खिचिएको तस्वीरलाई समावेश गराउने पत्रकार सम्मेलनमा जानकारी दिइयो। </p>
<p>सो अवसरमा शिखर इन्स्योरेन्स कम्पनी लिमिटेडका वरिष्ठ प्रबन्धक सुरज राजवाहकले पाँच वर्षदेखि कम्पनीले फोटो प्रतियोगितामा क्लबसँग सहकार्य गर्दै आएको बताए। <em>रासस</em><br />
</p>
प्रतिक्रिया दिनुहोस्
.jpg)
