जेएनयूमा विद्यार्थीमाथि नकावधारी समूहको सांघातिक हमला
<p>नयाँ दिल्ली। भारतको राजधानी नयाँ दिल्लीस्थित जवाहरलाल नेहरू विश्वविद्यालयमा नकावधारी समूहले विद्यार्थीमाथि २० पुस साँझ सांघातिक हमला गरेको छ।</p>
<p>उक्त समूहको आक्रमणबाट जेएनयू छात्र संघका अध्यक्ष आईसी घोषसहित २३ जना विद्यार्थी घाइते भएको भारतीय सञ्चारमाध्यमले जनाएका छन् ।</p>
<p>मुखमा मास्क लगाएका आक्रमणकारीका हातमा फलामे डण्डी र लठ्ठी लिएर आक्रमण गर्न विश्वविद्यालय छिरेका थिए। मुकुण्डोधारी आक्रमणकारीले विश्वविद्यालयका प्राध्यापक, विद्यार्थी नेता, अन्य विद्यार्थीलगायतमाथि सांघातिक आक्रमण गरेका हुन्। जेएनयूको विद्यार्थी युनियनका अध्यक्ष आयसे घोससहित कैयौं गम्भिर घाइते भएका छन्।</p>
<p>घोस आक्रमणमा परि रक्ताम्मे भएको तस्वीर र भिडिओमा देखिएको छ। आक्रमणमा परी फ्याकल्टी सदस्य सुचित्रा सेनको टाउकोमा चोट लागेको छ। </p>
<p>क्याम्पस र छात्राबासमा घुसेका उनीहरूको आक्रमणबाट घाइते भएका विद्यार्थीलाई अस्पताल पुर्‍याउने एम्बुलेन्स र परिसरमा पार्क गरिएका गाडी पनि उनीहरूले तोडफोड गरेका छन्। </p>
<p>विद्यार्थी युनियनले भारतीय सत्ताधारी दल विजेपीको विद्यार्थी संघ अखिल भारतीय विद्यार्थी परिषद (एबीभीपी) आवद्ध व्यक्तिहरुले मुकुण्डो लगाएर आक्रमण गरेको आरोप लगाएको छ। </p>
<p>विद्यार्थीहरुले सरकारले आक्रमणकारीलाई संरक्षण गरेको आरोप लगाएका छन्।</p>
<p>विश्वविद्यालयका विद्यार्थीहरूले छात्रावासको शुल्क वृद्धिको विरोधमा निकालेको र्‍यालीमा अखिल भारतीय विद्यार्थी परिषदले ढुंगा र रडले हमला गरेको विद्यार्थीशरुको आरोप छ। प्रहरी र विश्वविद्यालयका सुरक्षागार्डहरूले पनि नकाबधारी समूहलाई सघाएको विद्यार्थीहरु बताउँछन्।</p>
<p>विश्वविद्यालय प्रशासनले आक्रमणको निन्दा गर्दै दोषी पहिचान गरी कारबाही गर्न माग राखेको छ । </p>
प्रतिक्रिया दिनुहोस्
.jpg)
