विद्यार्थी कुट्ने शिक्षक पक्राउ
<p>काठमाडौं। रुपन्देहीमा गृहकार्य नगरेको भन्दै विद्यार्थी कुट्ने एक जना शिक्षक पक्राउ परेका छन्। </p>
<p>रुपन्देहीको सम्मरीमाई गाउँपालिका–६ मर्चवारमा ज्ञानदीप बोर्डिङ स्कुलमा कक्षा पाँचमा अध्ययनरत मोहम्मद देवानलाई कुेटेको आरोपमा शिक्षक शैलेन्द्र बराई पक्राउ परेका हुन्। </p>
<p>बराईले १६ पुसमा देवानलाई कुटपिट गरेका थिए। कुटपिटबाट देवानको आँखामा चोट लागेको थियो। </p>
<p>आज हुलाकमार्फत् उजुरी परेपछि शिक्षक बराईलाई मर्चवा इलाका प्रहरी कार्यालयले पक्राउ गरेको जिल्ला प्रहरी कार्यालय रुपन्देहीका डीएसपी खड्ग खत्रीले जानकारी दिए।</p>
<p>देवानले १६ पुसमा कापी लिन बिर्सेपछि शिक्षकले कुटेका विद्यार्थीका अभिभावकले बताएका छन्। </p>
<p>विद्यालयका प्रधानाध्यापक सुरेन्द्र बराईले भने गाली गरेर कक्षाबाट निस्कन भनेपछि देवानले शिक्षकसँग बाझ्न खोज्दा पिटेको जवाफ दिएका छन्।</p>
<p>घटनापछि देवानलाई प्रध्यानाधापक बराईले भैरवहास्थित युनिभर्सल कलेज अफ मेडिकल साइन्समा उपचार गराउन लगेका थिए।</p>
<p>बालबालिका सम्बन्धी ऐन–२०७५ मा घर, विद्यालय वा जुनसुकै स्थानमा शारीरिक र मानसिक दण्ड दिने, अनैतिक व्यवहार गर्नेलाई करीब एक वर्ष जेल सजाय र ५० हजार रूपैयाँसम्म जरिवाना हुन सक्ने व्यवस्था छ। <br />
<br />
</p>
प्रतिक्रिया दिनुहोस्
.jpg)
