काठमाडौंमा पक्राउ परेका १२२ चिनियाँलाई एक/एक हजार जरिवाना लिएर छाड्न आदेश
<p>काठमाडौं। जिल्ला प्रशासन कार्यालय काठमाडौंले ७ पुसमा पक्राउ परेका १२२ चिनियाँ नागरिकसँग एक/एक हजार रूपैयाँ जरिवाना लिएर थुनामुक्त गर्न आदेश दिएको छ। </p>
<p>काठमाडौंका विभिन्न स्थानबाट पक्राउ परेका उनीहरूलाई प्रतिव्यक्ति एक हजार रूपैयाँ जरिवाना तिराएर थुनामुक्त गर्न आज प्रशासनले आदेश दिएको हो। </p>
<p>“प्रहरीले प्रशासनमा अभद्र व्यवहार सम्बन्धी मुद्दा दर्ता गरेको थियो”, काठमाडौंका प्रमुख जिल्ला अधिकारी जनकराज दाहालले <em>देखापढी</em>सँग भने, “आज मुद्दाको सुनुवाइ भएर एक/एक हजार रूपैयाँ जरिवाना लिएर थुनामुक्त गर्न आदेश भएको हो।”</p>
<p>अभद्र व्यवहार सम्बन्धी मुद्दा हेर्ने अधिकार प्रमुख जिल्ला अधिकारीलाई हुन्छ। पक्राउ परेका चिनियाँले आरोप स्वीकार गरेकाले थप बुझ्नुपर्ने नदेखिएको प्रजिअ दाहालले बताए। </p>
<p>केन्द्रीय अनुसन्धान ब्युरो (सीआईबी), काठमाडौं प्रहरी परिसर र महानगरीय अपराध अनुसन्धान महाशाखाले उनीहरूलाई पक्राउ गरी मुद्दा चलाएको थियो। <br />
</p>
प्रतिक्रिया दिनुहोस्
.jpg)
