सुडान घोटालामा दोषी ठहर भएका शम्भु भारती जेलमुक्त
<p>काठमाडौं। सुडान घोटाल काण्डमा दोषी ठहर भइ कारागार चलान भएका ठेकेदार शम्भु भारती आज जेलमुक्त भएका छन्।</p>
<p>राष्ट्रसंघीय मिसनका लागि सुडानमा खटिने नेपाल प्रहरीको सामाग्री खरीदमा उनलाई अदालतले दोषी ठहर गरेको थियो।</p>
<p>सर्वोच्च अदालतले केही दिनअघि उनलाई धरौटीमा छाड्न आदेश गरेको थियो।</p>
<p>उनले आज सर्वोच्चले धरौटीबापत मागेको रकम बुझाएर जेलमुक्त भएका हुन्।</p>
<p>डिल्लीबजार कारागारमा रहेका उनी आज जेलमुक्त भएको कारागारकी निमित्त जेलर सिता अधिकारीले <em>देखापढी</em>लाई जानकारी दिइन्।</p>
<p>“केही दिनअघिकै आदेश हो। त्यसदिन उनले पैसा बुझाउन सकेका थिएनन्”, उनले भनिन्, “आज धरौटीबापतको रकम बुझाएपछि उनी जेलमुक्त भएका हुन्।”</p>
<p>डिल्लीबजार कारागारमा रहेका भारतीले जेल बाहिरै बसेर मुद्दा लड्न पाउँ भन्दै सर्वोच्चमा पुनरावेदन दिएका थिए।</p>
<p>भारतीलाई सर्वोच्च अदालतले सुडान घोटालामा दोषी ठहर गर्दै १४ करोड २० लाख रूपैयाँ बिगो र जरिवानासहित एक वर्ष जेल सजाय सुनाएको थियो।</p>
<p>१२ भदौ केन्द्रीय अनुसन्धान ब्यूरोले उनलाई पक्राउ गरेको थियो।</p>
प्रतिक्रिया दिनुहोस्
.jpg)
