नेकपा प्रवक्ता श्रेष्ठले उम्मेद्वारी दर्ता गराए
<p>काठमाडौं। नेपाल कम्युनिष्ट पार्टी (नेकपा)का प्रवक्ता नारायणकाजी श्रेष्ठले राष्ट्रिय सभा सदस्य निर्वाचनका लागि उम्मेद्‌वारी दर्ता गराएका छन्।</p>
<p>निर्वाचन अधिकृतको कार्यालय कास्की पोखरा पुगेर श्रेष्ठले उम्मेद्‌वारी दर्ता गरेका हुन्। उनको प्रस्तावकमा गण्डकी प्रदेशका भौतिक पूर्वाधार मन्त्री रामशरण बस्नेत छन्। </p>
<p>श्रेष्ठसँगै नेकपाकी भगवती न्यौपानेले पनि उम्मेद्‌वारी दर्ता गराएकी छन्। </p>
<p>नेकपाको सचिवालय बैठकले गण्डकी प्रदेशबाट श्रेष्ठ र न्यौपानेलाई उठाउने निर्णय गरेको थियो। </p>
<p>९ माघमा राष्ट्रिय सभा सदस्यका लागि निर्वाचन हुँदैछ। निर्वाचन आयोगले राष्ट्रिय सभा सदस्य निर्वाचनका लागि आज बिहान १० बजेदेखि दिउँसो ३ बजेसम्म उम्मेद्‌वारी मनोनयन दर्ता गर्ने समय निर्धारण गरेको छ। </p>
<p>२० फागुनमा रिक्त हुने राष्ट्रिय सभाका १८ सदस्यका लागि निर्वाचन हुन लागेको हो। उम्मेद्‌वारले सम्बन्धित प्रदेशमा रहेका निर्वाचन अधिकृतको कार्यालय पुगेर मनोनयन दर्ता गराउनुपर्छ।</p>
<p>२० फागुनमै रिक्त हुने राष्ट्रिय सभाको एक सदस्य भने मन्त्रिपरिषद्को सिफारिसमा राष्ट्रपतिले मनोनित गर्नेछिन्। </p>
<p>राष्ट्रिय सभा सदस्य निर्वाचनमा प्रदेश–२ मा नेकपा र राष्ट्रिय जनता पार्टी (राजपा)ले तालमेल गरेका छन्।</p>
<p>नेपाली कांग्रेस र समाजवादी पार्टीले पनि दुई–दुई सिट बाँड्ने गरी तालमेल गरेका छन्।</p>
<p><strong>पढ्नुहोस</strong></p>
<p><strong><a href="https://www.dekhapadhi.com/news/4724" target="_blank">वामदेवले देखेको प्रधानमन्त्री बन्ने त्यो सपना !</a></strong></p>
प्रतिक्रिया दिनुहोस्
.jpg)
