न्यायपरिषद् सदस्यमा पूर्व महान्यायधिवक्ता खड्का सर्वसम्मत अनुमोदन
<p>काठमाडौं। संसदीय सुनुवाई विशेष समितिले न्यायपरिषद सदस्यमा लक्ष्मीबहादुर निराला खड्कालाई सर्वसम्मत अनुमोदन गरेको छ ।</p>
<p>४ पुसमा प्रधानमन्त्री केपी शर्मा ओलीले खड्कालाई न्यायपरिषद् सदस्य नियुक्तिका लागि सिफारिस गरेका थिए। ८ पुसमा संसदीय समितिले खड्काविरुद्ध उजुरी दिन आव्हान गरेको थियो। उनीविरुद्ध कुनै उजुरी परेको थिएन। </p>
<p>आज संसदीय समितिमा उपस्थित निरालाले सांसदले सोधेको प्रश्नको जवाफ दिएका थिए। त्यसपछि उनलाई सर्वसम्मतिले न्याय परिषद् सदस्यमा अनुमोदन गरिएको थियो। अब राष्ट्रपतिले उनलाई नियुक्ति गर्नेछिन्। </p>
<p>सदस्यमा सिफारिस भएपछि खड्काले आफू संविधान र कानूनले निर्देश गरेअनुसार न्यायपरिषद् सदस्यको रूपमा काम गर्ने देखापढीलाई बताएका थिए। </p>
<p><strong>पढ्नुहोस्</strong></p>
<p><strong><a href="https://dekhapadhi.com/news/4229" target="_blank">पूर्वमहान्यायाधिवक्ता खड्का न्यायपरिषद् सदस्यमा सिफारिस </a></strong></p>
<p><br />
</p>
प्रतिक्रिया दिनुहोस्
.jpg)
