गृहमन्त्री थापा चीन प्रस्थान
<p>काठमाडौं। गृहमन्त्री रामबहादुर थापा चीनको राजधानी बेइजिङ प्रस्थान गरेका छन्। </p>
<p>चीनको पब्लिक सेक्युरिटी मिनिस्ट्रीको निमन्त्रणामा छ दिने चीन भ्रमणका क्रममा उनि आज बिहान बेइजिङ प्रस्थान गरेका हुन् । </p>
<p>भ्रमणका क्रममा चीनका जनसुरक्षामन्त्री तथा उच्च सरकारी अधिकारी र चिनियाँ कम्युनिस्ट पार्टीका नेतासँग भेटघाट गर्ने कार्यक्रम रहेको मन्त्री थापाका प्रेस संयोजक किरण भट्टराईले जानकारी दिए। </p>
<p>मन्त्री थापाको टोलीले चीनको सांघाई र ल्हासाको भ्रमणसमेत गर्ने कार्यक्रम छ । </p>
<p>भ्रमण टोलीमा मन्त्री थापाका सुरक्षा सल्लाहकार डा. इन्द्रजित राई, गृह मन्त्रालयका प्रवक्ता, सहसचिव केदारनाथ शर्मा, प्रहरी नायव महानिरीक्षक सूर्यप्रसाद उपाध्यायलगायत सहभागी छन्। </p>
<p>गृहमन्त्री थापा २५ पुसमा नेपाल फर्कने कार्यक्रम छ। <em>रासस</em></p>
प्रतिक्रिया दिनुहोस्
.jpg)
