धनगढी विमानस्थल पुन: आंशिक बन्द
<p>कैलाली। धनगढी विमानस्थल फेरि आंशिक बन्द गरिने भएको छ। </p>
<p>मर्मत सम्भारको काम नसकिएको भन्दै १० माघसम्मका लागि विमानस्थल आंशिक बन्द हुने भएको हो। </p>
<p>१ पुसदेखि नै विमानस्थल पूर्ण रुपमा संचालनमा आउने भनिएकोमा समयमा काम सम्पन्‍न नभएका कारण पुन: समयसीमा बढाउनु परेको धनगढी विमानस्थलका प्रमुख तेजवहादुर बुढाथापाले बताए। </p>
<p>उनले मर्मत सम्भार र स्तरबृद्धिको काम जारी रहेपनि चिसोका कारण अपेक्षाकृत रुपमा काम गर्न नसकिएकोले १० माघ बिहानसम्म विमानस्थल आंशिक बन्द रहने बताए। </p>
<p>केही दिनदेखी बढेको चिसो र रातिको समयमा काम गर्न नसकिने भएकाले अन्तिम पटकका लागि विमानस्थल आशिंक बन्द गर्ने निर्णय भएको बुढाथापाको भनाइ छ। </p>
<p><img alt="" height="720" src="https://www.dekhapadhi.com/storage/photos/shares/Province/sudurpaschim/dhangadhi airport 1.jpg" width="960" /></p>
<p>धनगढी विमानस्थलमा अहिले ६० मिटर चौडाई र एक हजार ८०० सय मिटर लम्वाईको धावनमार्ग कालोपत्रे छ। </p>
<p>विमानस्थलका अनुसार मर्मतपछि धावनमार्गको दायाँबायाँ दुई/दुई मिटर चौडाइ फराकिलो हुनुका साथै पार्किङ क्षमता समेत बढाइने छ। </p>
<p>झण्डै २२ करोडमा धावनमार्गमा कालोपत्रे थप गरिने छ। </p>
<p>अहिले तीनवटा जहाज पार्कीङको व्यवस्था रहेकोमा अव थप एक जहाज पार्कीङ गर्न सक्ने गरी विस्तारको काम भइरहेको छ। </p>
<p>यसअघि पनि मर्मत सम्भार र स्तरबृद्धिका लागि जेठमा एक महिना विमानस्थल पूर्ण बन्द गरिएको थियो। </p>
प्रतिक्रिया दिनुहोस्
.jpg)
