हिमपातले सडक, टेलिफोन र बिजुली अवरुद्ध
<p>अमरगढी। भारी हिमपातले जिल्ला सदरमुकामसहित ग्रामीण बस्ती सञ्चार र बिजुलीविहीन बनेको छ ।<br />
<br />
केही दिनयताको तापक्रम झर्दो अवस्थाले इन्टरनेटलगायतका सञ्चारसेवासमेत अवरुद्ध भएका छन् । </p>
<p>उग्रतारा डडेल्धुरा यातायात प्रालिका अनुसार लामो तथा छोटो दूरीका सञ्चालन हुने सवारी साधन चल्ने ग्रामीण सडकसमेत हिमपातले अवरुद्ध भएको छ। </p>
<p>दूरसञ्चार कार्यालय डडेल्धुराका शिवराज बोहराले हिमपातले अवरुद्ध सञ्चार सेवालाई सुचारु बनाउन प्रयास भइरहेको जानकारी दिए। <br />
<br />
नेपाल विद्युत् प्राधिकारण वितरण केन्द्र डडेल्धुराका अनुसार विद्युतसेवा सुचारु बनाउन प्रयास भइरहेको छ। </p>
<p>विद्युत् अवरुद्ध हुँदा जिल्लाको गन्याधुरा गाउँपालिका, नवदुर्गा गाउँपालिका, अमरगढी नगरपालिका, परशुराम नगरपालिका, आलिताल र भागेश्वर गाउँपालिका तीन दिनदेखि अन्धकारमय बनेको छ। रासस</p>
प्रतिक्रिया दिनुहोस्
.jpg)
