आजदेखि मौसममा सुधार आउँदै
<p>काठमाण्डौं। पश्‍चिमी वायुको प्रभावका कारण चिसिएको मौसममा आजदेखि सुधार आउने मौसमविद्ले बताएका छन् ।</p>
<p>जल तथा मौसम विज्ञान विभाग मौसम पूर्वानुमान महाशाखाका अनुसार पश्चिमी वायुको प्रभाव कमजोर हुँदै गएको छ। </p>
<p>१९ पुससम्म बदलीसँगै वर्षा गराएको मौसमी प्रणाली कमजोर भएकाले आज, २१-२२ पुसमा मौसम सामान्यतया सफा हुनेछ। </p>
<p>मौसम खुले पनि बिहान र बेलुका चिसो रही रहने हुनाले चिसोबाट जोगिन महाशाखाको अनुरोध छ। </p>
<p>देशको उच्च पहाडी तथा हिमाली भू-भागहरुमा आंशिक बदली रही बाँकी भू-भागमा मौसम सामान्यतया सफा रहने छ। </p>
<p>केही दिनयता देशभर पानी र हिमपातका कारण जनजीवन प्रभावित बनेको थियो। </p>
प्रतिक्रिया दिनुहोस्
.jpg)
