'ब्रेन गेन सेन्टर' द्वारा काम शुरू, पाँच हजार विज्ञ आबद्ध हुने सम्भावना
<p>काठमाडौं। विदेशिएका प्रतिभा पलायनलाई रोक्न स्थापित ‘ब्रेन गेन सेन्टर’मा आबद्ध विज्ञले नेपालमा काम शुरू गरेका छन्। </p>
<p>परराष्ट्र मन्त्रालयको सक्रियतामा गत वैशाखमा सेन्टर स्थापना भएको थियो।</p>
<p>सेन्टर मातहत रहेर काम गर्ने उद्देश्यले गठित अमेरिकी ‘ब्रेन गेन इनिसियटिभ्स’मार्फत दुई जिल्लाबाट काम शुरू भएको हो। </p>
<p>हालसम्म ब्रेन गेन सेन्टरको वेब पोर्टलमा ६४६ जना विज्ञले नाम दर्ता गराएका छन्। </p>
<p>परराष्ट्रमन्त्री प्रदीप ज्ञवालीले भारतबाहेक विभिन्न देशका छरिएर रहेका झन्डै ४० लाख नेपालीको ध्यान स्वदेशमा केन्द्रित गराउन ब्रेन गेन सेन्टरले भूमिका निर्वाह गर्ने बताए। </p>
<p>“यसमा यो वा ऊ त्यस्तो केही हुने छैन,” उनले भने, “सेन्टरलाई विस्तारै स्वायत्त र आत्मनिर्भर निकायका रूपमा सिर्जना गर्नेछौँ।”</p>
<p>सरकारको नीति, योजना र मन्न्त्रालयसँग जोडेर विज्ञलाई हौसला दिन सरकार पनि सँगै जोडिएर अघि बढ्ने मन्त्री ज्ञवालीले बताए। </p>
<p>तत्काल विश्वका छरिएका पाँच हजार विज्ञलाई ब्रेन गेन सेन्टरको सञ्जालमा आबद्ध गराएर अघि बढ्न सकिने सम्भावना रहेको बताउँदै उनले स्रोत र साधनका लागि सरकारको उपस्थिति रहेकाले ढुक्क रहन आश्‍वस्त पारेका छन्। </p>
<p>सेन्टरका नीति तथा योजना महाशाखाका प्रमुख कुमारराज खरेलका अनुसार अमेरिकामा कार्यरत विज्ञ समूहले गोरखा र गुल्मीमा प्रारम्भिक चरणको परियोजना शुरू गरेको छ। </p>
<p>चितवन र गण्डकीको थप दुई जिल्लामा काम शुरु शुरू तयारी रहेको आजको गोरखापत्रमा समाचार छ।</p>
<p>कृषि, शिक्षा, स्वास्थ्य र सार्वजनिक सेवासँग जोडिएर काम थालनी भएको अमेरिकाका विज्ञ डा. सतिश देवकोटाले बताए। </p>
प्रतिक्रिया दिनुहोस्
.jpg)
