सडक डिभिजन सिरहाका निमित्त प्रमुखसहित तीन जना पक्राउ
<p>सिरहा। अख्तियार दुरूपयोग अनुसन्धान आयोगले सिरहाको लहानमा रहेको सडक डिभिजन कार्यालयका निमित्त प्रमुखसहित तीन जनालाई पक्राउ परेको छ।</p>
<p>निमित्त प्रमुख सिभिल इञ्जिनियर विनोद साह तीन लाख रूपैयाँ घुससहित अख्तियारको फन्दामा परेका हुन्। अख्तियारको बर्दिबास कार्यालयबाट पुगेको आज साँझ उनलार्ई कार्यालयबाटै रंगेहात पक्राउ गरेको हो। </p>
<p>यस्तै, इञ्जिनियर नविन साह र ओभरसियर विरेन्द्र साहलाई १५ लाख ९६ हजार रूपैयाँ घुस रकमसहित पक्राउ गरिएको अख्तियारले जनाएको छ।</p>
<p>रुपनीदेखि राजविराज हुँदै कुनौलीसम्मको सडकमा निर्माण सम्पन्न गरेपछि बाँकी भुक्तानीका बेला ठेकेदारसँग घुस मागेको सूचनाका आधारमा पुगेको अख्तियारको टोलीले उनीहरुलाई पक्राउ गरेको हो।</p>
<p>पक्राउ परेका तीनै जनामाथि थप अनुसन्धान भइरहेको अख्तियारको बर्दिबासस्थ्ति कार्यालयले जनाएको छ। </p>
प्रतिक्रिया दिनुहोस्
.jpg)
