वर्षाले स्थगित भयो शहीद स्मारक ‘ए’ डिभिजन लिग
<p>काठमाडौं। शहीद स्मारक ‘ए’ डिभिजन लिगअन्तर्गत भोलि, १९ पुसबाट शुरू हुने पाँचौ चरणका खेलहरू २१ पुसबाट हुने भएका छन्।</p>
<p>अखिल नेपाल फुटबल संघ (एन्फा)का अनुसार वर्षाका कारण दशरथ रंगशालाको मैदानमा हिलो भएकाले दुई दिनका लागि खेल स्थगित गरिएको हो।</p>
<p>एन्फाले त्रिपुरेश्वरस्थित दशरथ रंगशाला र सातदोबाटोस्थित एन्फा मुख्यालयको मैदानमा लिग खेलाउँदै आएको छ। तर, पाँचौं चरणका सबै खेल एन्फाले दशरथ रंगशालामा खेलाउने तालिका बनाएको थियो।</p>
<p>एन्फाले आज निकालेको नयाँ तालिकाअुनसार २१ पुसमा जावलाखेलले न्यूरोड टीम (एनआरटी)सँग प्रतिस्पर्धा गर्नेछ भने मछिन्द्र क्लबले शीर्ष स्थानमा उक्लिनका लागि मनाङ मस्र्याङ्दीसँग प्रतिस्पर्धा गर्नेछ।</p>
<p>२२ पुसमा हिमालयन शेर्पाले फ्रेण्ड्स क्लबसँग प्रतिस्पर्धा गर्नेछ। २३ पुसमा ब्रिगेड ब्वाइजले थ्री स्टार क्लबसँग खेल्नेछ। सोही दिन च्यासल युथ क्लबले नेपाल पुलिस क्लबसँग प्रतिस्पर्धा गर्नेछ।</p>
<p>२४ पुसमा संकटाले सशस्त्र प्रहरी बल (एपीएफ)सँग प्रतिस्पर्धा गर्नेछ। त्रिभुवन आर्मी क्लबले सरस्वती युथ क्लबसँग प्रतिस्पर्धा गर्नेछ।</p>
<p>चौथो चरणको खेल सकिँदा मनाङ १० अंकका साथ शीर्ष स्थानमा छ भने ९ अंक जोडेको मछिन्द्र दोस्रो स्थानमा छ। समान ९ अंक जोडेको त्रिभुवन आर्मी क्लब तेस्रो स्थानमा छ।</p>
<p>जावलाखेल युथ क्लब आठ अंकका साथ चाैंथो स्थानमा छ। सात अंकका साथ पुलिस क्लब पाँचौं स्थानमा छ भने समान सात अंक जोडेको थ्री स्टार क्लब छैटौं स्थानमा छ।</p>
<p>पुछारमा रहेको सरस्वती क्लबले अंक जोडेको छैन। १३औं स्थानमा रहेको फ्रेण्ड्स क्लबले एक अंक जेडेको छ।</p>
<p> </p>
प्रतिक्रिया दिनुहोस्
.jpg)
