चट्याङ लागेर एकै परिवारका पाँच घाइते
<p>बाँके। चट्याङ लागेर बाँकेमा एकै परिवारका पाँच जना घाइते भएका छन्। </p>
<p>आज बिहान पौने पाँच बजेतिर चट्याङ पर्दा एकै घरका पाँच जना घाइते भएको प्रहरीले जनाएको छ । </p>
<p>जिल्ला प्रहरी कार्यालय, बाँकेका प्रहरी प्रमुख एसपी वीरबहादुर ओलीका अनुसार नेपालगंज-१३ महापुरवाका ५४ वर्षीय गुरुदिन खटिकको घरमा चट्याङ पर्दा गुरुदिनसहित पाँच घाइते भएका हुन्।</p>
<p>घाइते अन्यमा ५५ वर्षीया श्यामकला खटिक, ४५ वर्षीय राजितराम खटिक, १८ वर्षीय रामरुप खटिक र चार वर्षीया सुबी खटिक छन्। </p>
<p>घाइते पाँचै जनाको नेपालगंजस्थित भेरी अस्पतालमा उपचार भइरहेको छ। <em>रासस</em></p>
प्रतिक्रिया दिनुहोस्
.jpg)
