नख्खुका कैदीबन्दीमा मानसिक समस्या बढ्दो, ३९३ जनामा मानसिक रोग
<p>ललितपुर। ललितपुरको नख्खु कारागारमा रहेका ३९३ जना कैदीबन्दीहरुमा मानसिक रोगको समस्या देखिएको छ। </p>
<p>विभिन्न कसुरमा जेलजीवन भोगिरहेका एक हजार ५४७ कैदीबन्दीमध्ये ३९३ जना मानसिक रोगको बिरामी रहेका कारागारले जानकारी दिएको छ। </p>
<p>कारागारका सूचना अधिकारी डा. नरेन्द्र परियारका अनुसार लामो समय कारागारमा रहँदा उनीहरुको मनोविज्ञान बिग्रेर मानसिक रोग देखिएको हो। </p>
<p>“कारागारमा मानसिक रोगको बढी मात्राको औषधि सेवन गर्ने १३० जना र सामान्य खालको औषधि सेवन गर्ने २६३ जना छन् ।”</p>
<p>कारागार परिसरमा १५ शैयाको ‘मनोसामाजिक अपांग वञ्जी अस्पताल’ स्थापना गरी मानसिक रोग भएका कैदीबन्दीलाई प्राथमिक तहको उपचार शुरू गरिएको छ। </p>
<p>मानसिक अस्पताल पाटनका सूचना अधिकारी डा. अनन्तप्रसाद अधिकारीले मानसिक रोगका बिरामीलाई समाजमा बढी मात्रमा माया, ममता, स्नेह र परिवारको साथ आवश्यक पर्ने भएकोले सोही वातावरण पुर्‍याउन कारागारका पदाधिकारीलाई आग्रह गरेको बताएका छन्। </p>
<p>कारागारको नयाँ भवनमा ४८५, अन्य दुई भवनमा ५४७ र ५१५ कैदीबन्दीहरू छन्। </p>
<p>नख्खु कारागारमा १२२ जना विदेशी कैदीबन्दीहरू छन। <em>रासस</em><br />
</p>
प्रतिक्रिया दिनुहोस्
.jpg)
