.jpg)
वर्षासँगै ठाउँठाउँमा हिमपात, देशैभर चिसो
<p>काठमाडौं। देशभर आंशिक तथा मध्यम वर्षासँगै विभिन्न क्षेत्रमा हिमपात हुँदा चिसो बढ्ने क्रम जारी छ।</p>
<p>मौसम पूर्वानुमान महाशाखाका अनुसार आगामी तीन दिन उच्च पहाडी तथा हिमाली भू-भागमा मौसम बदली भइ हल्कादेखि मध्यम हिमपात हुनेछ। </p>
<p>मुख्यगरी पश्चिमी, मध्य तथा पूर्वी उच्च भूभागमा हिमपात र मध्य, पूर्वी तथा तराई भूभागमा हल्कादेखि मध्यम वर्षा हुने जल तथा मौसम विज्ञान विभागको मौसम पूर्वानुमान बुलेटिनमा जनाइएको छ। </p>
<p>मौसम बदलीसँगै वर्षा र हिमपातको सम्भावना रहेको र चिसो रही रहने हुनाले सतर्कता अपनाउन महाशाखाले अनुरोध गरेको छ। </p>
<p>अहिले नेपाल प्रवेश गरेको पश्चिमी वायुको प्रभावले वर्षा गराउनुको साथै चिसो बढेको हो। </p>
<p>आज बिहान डडेल्धुराको तापक्रम सबैभन्दा कम शून्य डिग्री सेल्सियस मापन भएको छ। </p>
<p>हिमपातका कारण भीमदत्त राजमार्गमा सवारी आवागमन अवरुद्ध भएको छ। </p>
<p>त्यस्तै जुम्लामा एक डिग्री सेल्सियस तापक्रम रहेको छ। </p>
<p>काठमाडौंमा भने आज बिहानको तापक्रम पाँच डिग्री सेल्सियस छ। </p>
प्रतिक्रिया दिनुहोस्
.jpg)
