प्रहरीका सई र जवानविरुद्ध मुद्दा दायर
<p>काठमाडौं। अख्तियार दुरूपयोग अनुसन्धान आयोगले प्रहरी नायव निरीक्षक (सई) र प्रहरी जवानविरुद्ध मुद्दा दाय गरेको छ। </p>
<p>आयोगले प्रहरी चौकी त्रिभुवननगर, सर्लाहीमा कार्यरत सई राजेशकुमार सिंह र घुमुवाको समेत काम गर्ने सोही चौकीका प्रहरी जवान मनोजकुमार यादवविरुद्ध आज विशेष अदालत काठमाडौंमा मुद्दा दायर गरेको हो।</p>
<p>उनीहरूसँग ५० हजार रूपैयाँ बिगो मागदाबी गरिएको छ। </p>
<p>भारतीय सीमा नाकाबाट नेपालतर्फ घरायसी सामान भित्र्याउने काममा सहज गराई दिने भनी सेवाग्राहीसँग ५० हजार रूपैयाँ घुस लिंदै गरेको अवस्थामा सिंह र यादवलाई अख्तियारले २४ मंसीरमा पक्राउ गरेको थियो।</p>
<p>उनीहरूले घुस लिएको पुष्टि भएपछि मुद्दा दायर गरिएको अख्तियारका प्रवक्ता प्रदीपकुमार कोइरालाले जानकारी दिए। <br />
</p>
प्रतिक्रिया दिनुहोस्
.jpg)
