.jpg)
अछाममा छाउगाेठ भत्काइँदै
<p>अछाम। महीनावारी हुँदा घरमा बस्न नहुने अन्धविश्वासका कारण अछाममा धेरै महिलाहरूको छाउगोठमा मृत्यु हुन थालेपछि स्थानीय सरकार, आमा समूह र प्रहरी प्रशासनको संयुक्त प्रयासमा अछामका विभिन्न स्थानमा रहेका छाउगोठ भत्काउन थालिएकाे छ।</p>
<p>समुदाय–प्रहरी साझेदारी कार्यक्रमअन्तर्गत प्रहरी, स्थानीय जनप्रतिनिधि, समाजसेवी, विभिन्न क्लब र आमा समूहको संयुक्त टोलीले छाउगोठ भत्काउने अभियान नै थालेका छन्। जसअन्तर्गत अहिलेसम्म जिल्लामा ७०५ वटा छाउगोठहरू भत्काएको जिल्ला प्रहरी कार्यालय अछामका प्रमुख प्रहरी नायव उपरीक्षक दीपक भारतीले जानकारी दिए।</p>
<p>भारतीले ९ मंसीरदेखि अहिलेसम्म साँफेबगर नगरपालिकामा १५१ वटा, पञ्चदेवलविनायक नगरपालिकामा ६२ वटा, कमलबजार नगरपालिकामा २९, रामारोशन गाउँपालिकामा ४६, ढकारी गाउँपालिकामा १४५, मेल्लेख गाउँपालिकामा ३०, तुर्माखाद गाउँपालिकामा २०२ र चौरपाटी गाउँपालिकामा ४० गरी जम्मा ७०५ वटा छाउपडी गोठहरू भत्काइएको बताए।</p>
<p>छाउपडी गोठ भत्काउनुका साथै उक्त प्रथाबारे जनचेतनामूलक कार्यक्रमका साथै छाउपडी सम्बन्धी कानुनी प्रावधानको बारेमा समेत जानकारी दिएको प्रहरी नायव उपरीक्षक भारतीले बताए।</p>
<p>उनले यो अभियान निरन्तर चलिरहने समेत जानकारी दिए।</p>
प्रतिक्रिया दिनुहोस्
.jpg)
