यस कारण बल्झिँदै कांग्रेसमा आन्तरिक विवाद
<p>काठमाडौं। प्रमुख प्रतिपक्ष नेपाली कांग्रेसभित्रको आन्तरिक विवाद सुल्झिनु साटो बल्झिएको छ। </p>
<p>कांग्रेसका सबै तहका नेताहरूको ध्यान संगठन निर्माणभन्दा १४ औं महाधिवेशनबाट कसरी नेतृत्वमा कायमै रहने/पुग्ने भन्नेमा केन्द्रित हुँदा समस्या बढेको हो। </p>
<p>संस्थापन पक्षले असन्तुष्ट पक्षको सहभागिताबिनै १४औं महाधिवेशन कार्यतालिकासहित विभिन्न निर्णय गरेपछि विवाद झन् बल्झिएको छ। </p>
<p>संस्थापन पक्षले निर्णय नसच्याएसम्म छलफलमै नबस्ने अडानमा असन्तुष्ट समूह छ।</p>
<p>यसैबीच संस्थापन पक्षले १७ पुसमा केन्द्रीय समिति बैठक बोलाएको छ। </p>
<p>राष्ट्रियसभा सदस्य र प्रतिनिधिसभाका सभामुख निर्वाचन विषयमा छलफल गर्न सभापति शेरबहादुर देउवाले १७ पुसका लागि केन्द्रीय समिति बैठक बोलाएका हुन्। </p>
<p>देउवाले बैठक बोलाए पनि असन्तुष्ट पक्षीय नेताहरूले १५ पुस दिउँसो सानेपास्थित पार्टी केन्द्रीय कार्यालयमा भेला गरी सो बैठकमा सहभागी नहुने निर्णय गरेको आजको नागरिक दैनिकमा समाचार छ। </p>
<p>एक पक्षीय ढंगबाट सार्वजनिक महाधिवेशन कार्यतालिका नसच्याएसम्म सभापतिसँगको छलफलमा नबस्ने बताउँदै आएको असन्तुष्ट पक्षले २१ पुसमा काठमाडौंमा जिल्ला सभापतिको भेला बोलाएको छ। </p>
<p>पार्टी बृहत्तर हितलाई केन्द्रमा राखेर आफूहरू अघि बढ्ने बताउँदै केन्द्रीय सदस्य हृदयराम थानीले भने,“एकलौटी र विधानविपरीतका निर्णयविरुछ हामी हाम्रो अडानमा कायमै छौं।</p>
प्रतिक्रिया दिनुहोस्
.jpg)
