आधा केजी सुनसहित भारतीय नागरिक विमानस्थलबाट पक्राउ
<p>काठमाडौं। त्रिभुवन अन्तर्राष्ट्रिय विमानस्थल परिसरबाट प्रहरीले एक भारतीय नागरिकलाई आधा केजी सुनसहित पक्राउ गरेको छ।</p>
<p>मलद्वारमा लुकाएर ल्याउँदै गर्दा सुनसहित प्रहरीले भारतको महाराष्ट्र राज्यका सुनिल हरीरामलाई पक्राउ गरेको हो।</p>
<p>फ्लाइ दुबई एयरलाइन्सबाट नेपाल प्रवेश गर्ने क्रममा उनी पक्राउ परेका हुन्। </p>
<p>आज बिहान साढे ८ बजे फ्लाइ दुबईबाट काठमाडौं ओर्लेका उनलाई चेकजाँच गर्ने क्रममा मलद्वारभित्र लुकाएर ल्याएको अवस्थामा सुन भेटिएको हो।</p>
<p>दुई वटा प्लाष्टिकमा पोको पारेको अवस्थामा २५० ग्रामका दुई टुक्रा सुन बरामद गरिएको महानगरी प्रहरी कार्यालय, रानीपोखरीले जनाएको छ। </p>
<p>उनलाई नियन्त्रणमा लिएर थप अनुसन्धान भइरहेको प्रहरीले जनाएको छ।</p>
प्रतिक्रिया दिनुहोस्
.jpg)
