अपांगता भएका बालबालिकालाई अमेरिकाबाट एकलाख सहयोग
<p>काठमाडौं। परोपकारी संस्था लभ एण्ड सपोर्ट फाउण्डेशन नेपाल र भारतका अपांगता भएका तथा असाहय २० बालबालिकाहरूलाई नगदसहित लत्ताकपडा सहयोग गरेको छ। </p>
<p>अपांगता वाल शिक्षा सेवा केन्द्र अर्जुनधारा–६ कप्तानवारीका १० जना बालबालिकाहरूलाई फाउण्डेसनले २५ हजार रुपैयाँ र लत्ताकपडा वितरण गरेको हो। </p>
<p>त्यस्तै, फाउण्डेसनले भारतको सिक्किमका १० असाहय बालबालिकालाई ८० हजार रूपैयाँ र लत्ताकपडा सहयोग गरेको छ। </p>
<p>फाउण्डेसनको सिक्किम च्याप्टरका प्रमुख सुमन तामाङ्गलाई सो सहयोग प्रदान गरिएको छ। </p>
<p>उक्त रकम फाउण्डेसनको अमेरिका नर्थक्यारोलेनास्थित मुख्य कार्यालयबाट जुटाइएको फाउण्डेसनले जनाएको छ। </p>
<p>संस्थाका सल्लाहकार वरिष्ठ गितकार बुद्धबीर लामा र धावक बैकुण्ठ मानन्धर, फाउण्डेसनका नेपाल अध्यक्ष जसु लामा र प्रदेश १ का प्रतिनिधि कृष्ण मिश्रले १३ पुसमा सो सहयोग झापामा वितरण गरेका हुन्। </p>
<p>सहयोग हस्तान्तरण कार्यक्रममा झापा अर्जुनधारा नगरपालिकाका प्रमुख हरिकुमार रानाले बाल केन्द्रको भवन निर्माणको लागि जग्गा उपलव्ध गराउने प्रतिवद्धता ब्यक्त गरे। </p>
प्रतिक्रिया दिनुहोस्
.jpg)
