छोरीलाई बलात्कार प्रयास गर्ने बाबु पक्राउ
<p>काठमाडौं। आफ्नै छोरीलाई बलात्कार गर्न खोजेको आरोपमा एकजना बाबु काठमाडौंको गोंगबुबाट पक्राउ परेका छन्। </p>
<p>काभ्रे मण्डनदेउपुर नगरपालिका-१० स्थायी घर भइ हाल टोखा नगरपालिका-९ गोंगबु बस्ने ४० वर्षीय बावुलाई प्रहरीले पक्राउ गरेको हो। </p>
<p>गएराति २२ वर्षीया छोरीलाई बलात्कार प्रयास गरेपछि खबर पाएलगत्तै महाराजगन्जबाट खटिएको प्रहरी टोलीले उनलाई नियन्त्रणमा लिएको हो।</p>
<p>प्रहरीले बावुछोरी दुवैको स्वास्थ्य परीक्षण गराइसकेको छ। </p>
<p>महानगरीय प्रहरी वृत महाराजगन्जका प्रमुख डीएसपी उमेश लम्सालले पीडित युवतीले दिएको जाहेरी दर्ता गरेर अनुसन्धान थालिएको बताए। </p>
<p>“आजै अदालतबाट म्याद थप गर्छौं”, उनले भने, “पटक-पटक बलात्कार गर्दै आएको पीडितको भनाइ छ हामी अनुसन्धान गर्दैछौं।” </p>
<p>बलात्कारको प्रयास गर्ने बाबुलाई वृतको नियन्त्रणमा राखिएको छ। ती युवती आफ्नै बुवासँग डेरामा बस्दै आएकी थिईन्।</p>
प्रतिक्रिया दिनुहोस्
.jpg)
