Others

गृहपृष्ठ

कांग्रेसका संघर्षशील दिवंगत नेताहरुको ‘स्मृति ग्रन्थ’ निकालिने नेपाली कांग्रेस पार्टीमा बलिदानीपूर्ण संघर्ष गरेका नेताहरुको स्मृतिमा ‘स्मृति ग्रन्थ’ प्रकाशन हुने भएको छ । नेपाली कांग्रेसका सभापति शेरबहादुर देउवाले पार्टीमा बलिदानीपूर्ण संघर्ष गरेका नेताहरुको योगदानबारे नयाँ पुस्तालाई जानकारी दिने उद्देश्यका साथ ‘स्मृति गन्थ’ निकाल्न लागिएको जानकारी दिए । बिहीबार काठमाडौंको ओमबहालमा पार्टीका नेता एवम् पूर्वमन्त्री मार्शल जुलुम शाक्यको शालिक अनावरण गर्दै देउवाले पार्टीमा ठूलो त्याग र तपस्या गरेका नेताहरुको पहिचान गर्न तत्काल अध्ययन कार्यलाई अघि बढाउने प्रतिवद्धता जनाए । सभापति देउवाले राजतन्त्र विरोधी आन्दोलनमा नेता शाक्यले निर्वाह गरेको भूमिकाको चर्चा पनि गरेका थिए ।