जनकपुर–जयनगर रेल सेवा मंसिरदेखि सुरु
<p>जनकपुरधाम। भारतको राजधानी नयाँदिल्ली, कोलकाता लगायत प्रमुख शहरसँग नेपाललाई जोड्ने लक्ष्य लिएको जनकपुरधाम–जयनगर रेल सेवा आउने मंसिर महिनाबाट सुरु हुने भएको छ।</p>
<p>रेल विभागका महानिर्देशक बलराम मिश्रले रेल सेवा सुचारु गर्न कम्तिमा दुई सय कर्मचारी आवश्यक रहेको बताएका छन्। कर्मचारी भर्ना प्रक्रिया र रेल इन्जिन नेपाल ल्याउन केही महिना लाग्ने भएपनि अब ढिलो नहुने र मंसिरको मध्यसम्ममा रेल सेवा सञ्चालनमा आउने महानिर्देशक मिश्रले बताए। </p>
<p>“सुरुमा भारतसँग भाडामा रेलको इन्जिन लिएर सेवा सञ्चालन गर्ने सम्झौता भएको, पछि भने नेपाल आफैंंले खरिद गर्ने निर्णय भएकोले खरिद प्रक्रियाले ढिलाइ भएको हो”, विभागका महानिर्देशक मिश्रले भने।</p>
<p>दुई वटा रेल खरिद गर्न भारतीय सरकारी कम्पनी कोकण रेलवेज कर्पोरेसन लिमिटेडसँग रेल खरिद अन्तिम चरणमा पुगेको आजको अन्नपूर्णले लेखेको छ।</p>
<p>पहिलो चरणमा भारत विहारको जयनगरदेखि जनकपुरधामको कुर्थासम्म ३५ किलोमिटरमा रेल सञ्चालन गर्न भौतिक संरचना रेल्वे लिकलगायत आवश्यक पूर्वाधार सबै तयार भएको रेल विभागका कर्मचारीले बताएका छन्।</p>
प्रतिक्रिया दिनुहोस्
.jpg)
