Others

गृहपृष्ठ

दक्षिण कोरियामा पनि घटेन कोभिड सङ्क्रमितको संख्या काठमाडाैं। दक्षिण कोरियामा कोरोना भाइरस (कोभिड–१९) का सङ्क्रमितहरु पछिल्लो समयमा बढ्न थालेका छन् । स्वास्थ्य अधिकारीहरुले यहाँ सङ्क्रमित हुनेहरुको संख्या पछिल्ला हप्ताहरुमा बढ्दै गएको देखिएको बताएका छन् ।  प्राप्त समाचारअनुसार गत २४ घण्टामा थप तीन सय ४४ जनामा कोरोना भेटिएको बताइएको समाचारमा जनाइएको छ । गएको २४ घन्टामा देखिएको यो संख्या केही दिनयताकै धेरै रहेको बताइएको छ ।  योसँगै सङ्क्रमितहरुको संख्या ८३ हजार आठ सय ६९ जना पुगेको बताइएको छ । दक्षिण कोरिया पछिल्लो हप्ता हरेक दिन कम्तीमा एक सयजना जति सङ्क्रमित थपिएका पनि बताइएको छ । उनीहरुमध्ये अधिकांश विदेशबाट आएका व्यक्तिमा पाइएको पनि जनाइएको छ । दक्षिण कोरियामा अहिले नयाँ वर्ष मनाइएको छ । यही नयाँ वर्षको क्रममा दक्षिण कोरियाका धेरै व्यक्तिमा सङ्क्रमण भएको देखिएको छ ।  पछिल्लो २४ घन्टामा पाँच जनाको मृत्यु भएको बताइएको छ । यो मृत्युपछि कोरोना भाइरसको संक्रमणबाट ज्यान जानेको संख्या १ हजार पाँच सय २७ जना पुगेको बताइएको छ । सुरुमा सङ्क्रमितहरु बढीजसो चर्चमा गएका व्यक्तिहरुबाट भएका बताइएको थियो । तर पछिल्ला महिनाहरुमा भने आन्तरिक रुपमा भाइरसका सङ्क्रमितहरु बढेका बताइएको छ ।  दक्षिण कोरियामा निकै थोरै संख्यामा मात्र सङ्क्रमितहरु थिए । दक्षिण कोरिया सरकारले कोरोना भाइरसको सङ्क्रमणलाई रोक्न विदेशका अरु देशहरुको तुलनामा प्रभावकारी काम गरेको पनि बताइएको थियो । तर प्राप्त समाचार अनुसार दक्षिण कोरियामा पछिल्ला केही महिनायता भने संक्रमितहरुको संख्या बढ्दै गएको देखिएको हो । दक्षिण कोरियाको सरकारका स्वास्थ्य सम्बन्धी अधिकारीहरुले दिएको जानकारीअनुसार भाइरसका कारण संक्रमितहरु मध्ये १.८२ प्रतिशतको मृत्यु भएको बताइएको छ ।

प्रतिक्रिया दिनुहोस्