वनमन्त्री आलेद्वारा उपचारका लागि आर्थिक सहयोग
<p>काठमाडौं। वन तथा वातावरणमन्‍त्री प्रेमबहादुर आलेले कञ्‍चनपुरको पुर्नवास नगरपालिका-५ का पूर्वसहायकमन्‍त्री लालबहादुर विकलाई आर्थिक सहयोग गरेका छन्। </p>
<p>ब्रेनस्ट्रोक रोगले पीडित भई काठमाडौंको स्पार्क हेल्थ होम अस्पतालमा लामो समयदेखि उपचार गराइरहेका विकको उपचारमा आर्थिक समस्या भएको खबर पाएपछि मन्‍त्री आलेले अस्पतालमै गएर उपचारका लागि आर्थिक सहयोग गरेको स्वकीय अधिकृत धिमलाल जोशीले बताए। </p>
<p>“पूर्वमन्‍त्री बिरामी भएको जानकारी पाएपछि मन्‍त्री आलेले अस्पतालै गएर भेटघाट तथा स्वास्थ्य अवस्था बुझ्नुभयो र केही आर्थिक सहयोग पनि दिनुभएको छ,” जोशीले भने। </p>
<p>विगत लामो समयदेखि मधुमेह तथा उच्च रक्तचापले थला परेका पूर्वसहायकमन्‍त्री विकको उपचारका लागि अझै पाँच/छ महिना जति लाग्ने उपचारमा संलग्न चिकित्सकले बताएका छन्। </p>
<p><em>रासस</em></p>
प्रतिक्रिया दिनुहोस्
.jpg)
