करिब १० लाख बराबरको प्रतिबन्धित औषधि बरामद
<p>मोरङ। विराटनगर महानगरपालिका–५ मुनालपथबाट करिब १० लाख रुपैयाँ बराबरको नेपालमा प्रतिबन्धित विभिन्न ब्राण्डका औषधिहरु प्रहरीले बरामद गरेको छ । </p>
<p>सोही महानगरपालिका–१० न्युरो अस्पताल पछाडि राजेन्द्र साहको घरमा अवैध औषधि भण्डार गरेको भन्ने विशेष सूचनाका आधारमा १ नम्बर प्रदेश प्रहरी कार्यालय रानी र जिल्ला प्रहरी कार्यालय मोरङबाट खटिएको प्रहरीले जाँच गर्दा घरमा भण्डार गरी राखेको अवस्थामा उक्त औषधिहरु फेला पारी बरामद गरेको हो ।</p>
<p>साथै थप अनुसन्धानका लागि उक्त औषधिहरु रेखदेख गर्ने २ जनालाई प्रहरीले नियन्त्रणमा लिएको छ । सो घटनाबारे थप अनुसन्धान भइरहेको प्रहरीले जनाएको छ । </p>
<p> </p>
प्रतिक्रिया दिनुहोस्
.jpg)
