चार जना मृत अवस्थामा फेला
<p>काठमाडौं। काठमाडौं महानगरपालिका-३२ कोटेश्वरस्थित काठमाडौं गेष्ट हाउसमा काम गर्ने ६५ वर्षीय सुरेश साह मृत अवस्थामा भेटिएका छन्। </p>
<p>मोरङको विराटनगर स्थायी घर भएका साह सोही गेष्ट हाउसमा सुतिराखेको अवस्थामा सोमबार मृत फेला परेका हुन्। </p>
<p>यसैगरी काठमाडौ महानगरपालिका-१६ बाइपास नजिक घरमा पहिचान नखुलेको करिब ४६ वर्षीय पुरुष मृत अवस्थामा फेला परेका छन्। </p>
<p>ललितपुर महानगरपालिका-२२ बुंगमतिस्थित बाग्मती खोलाको किनारमा पहिचान नखुलेका करिब ४० वर्षीय पुरुष मृत अवस्थामा फेला परेका छन्। </p>
<p>भोजपुरको भोजपुर नगरपालिका–९ लेखर्क बस्ने ७२ वर्षीय कृष्णकुमार तामाङ उनकै खेत बारीमा मृत अवस्थामा फेला परेका छन्। </p>
<p>गत शुक्रबार कसैलाई जानकारी नदिई घरबाट हिँडेर बेपत्ता भएका उनको खोजी गर्ने क्रममा मृत फेला परेका हुन्। सबै घटनाका सम्बन्धमा स्थानीय प्रहरीले आवश्यक अनुसन्धान गरिरहेको छ।</p>
प्रतिक्रिया दिनुहोस्
.jpg)
