छ बिघामा लगाइएको गाँजाखेती फँडानी गरी नष्ट
<p>हेटाैँडा। मकवानपुरको कैलाश गाउँपालिकाअन्तर्गत वडा नं १० का विभिन्‍न स्थानमा करिब छ बिघामा लगाइएको गाँजाखेती प्रहरीले फँडानी गरी नष्ट गरेको छ।</p>
<p>कोगोपिराङ, बेडीघारी, सल्लनीलगायतका विभिन्‍न स्थानमा गरी कूल छ बिघा क्षेत्रफलमा लगाएको गाँजाखेती फँडानी गरी नष्ट गरिएको जिल्ला प्रहरी कार्यालयले जनाएको छ।</p>
<p>इलाका प्रहरी कार्यालय भीमफेदीका प्रहरी निरीक्षक सुरेन्द्र श्रेष्ठको नेतृत्वमा जिल्ला प्रहरी कार्यालय, प्रहरी गण रातोमाटे र दङ्‍गा नियन्त्रण प्रहरी गणबाट खटिएको संयुक्त प्रहरी टोलीले गाँजाखेती फँडानी गरी नष्ट गरेको हो।</p>
<p>यसैबीच प्रहरीले चार वर्षदेखि जबर्जस्ती करणी मुद्दामा फरार एक जनालाई पक्राउ गरी जिल्ला अदालतमा पठाएको छ। जबर्जस्ती करणी मुद्दामा तीन वर्ष ११ महिना कैद भुक्तान गर्न बाँकी रहेका मनहरी गाउँपालिका-२ का ३४ वर्षीय जीवन स्याङ्बोलाई हेटाैंडा उपमहानगरपालिका-१० बाट प्रहरीले पक्राउ गरेको हो।</p>
<p>जिल्ला अदालत ले २०७३ जेठ २६ मा गरेको फैसलाअनुसार सजाय तोकी फरार रहेका स्याङ्बोलाई प्रहरीले पक्राउ गरी कैद तथा जरिवाना भुक्तानका लागि अदालतमा पठाएको हो। रासस</p>
प्रतिक्रिया दिनुहोस्
.jpg)
