लागुऔषधसहित पाँच जना पक्राउ
<p>काठमाडौं । सिरहा, गोलबजार नगरपालिका-३ गागनखोलाबाट लागूऔषध ३४ बोतल डाईलेक्स डिसी, ४५ एम्पुल डाईजेपाम, ४५ पिस नोफिन, ४५ पिस फेनारगन, ४८ पिस स्पास्मोप्रोक्सिरन र एक हजार ४ सय ९७ ट्याब्लेट नाईट्राभेटसहित २ जनालाई बिहीबार साँझ प्रहरीले पक्राउ गरेको छ । </p>
<p>पक्राउ पर्नेहरूमा सोही नगरपालिका-२ बस्‍ने २२ वर्षीय राकेशकुमार साह र मिर्चैया नगरपालिका-८ बस्‍ने २७ वर्षीय अनिल शर्मा रहेका छन् । ईलाका प्रहरी कार्यालय गोलबजार र २ नम्बर प्रदेश प्रहरी कार्यालय जनकपुरबाट खटिएको संयुक्त प्रहरीले स.७ प ५७१२ र स.१० प ५५२२ नम्बरको दुईवटा मोटरसाइकल जाँच गर्दा उनीहरूलाई लागूऔषधसहित पक्राउ गरेको हो । </p>
<p>झापा, दमक नगरपालिका-८ सेतुमारी सडकबाट ३६ ग्राम अवैध लागूऔषध ब्राउनसुगर जस्तो देखिने खैरो लिसाइलो पदार्थसहित २ जनालाई बिहीबार साँझ प्रहरीले पक्राउ गरेको छ । </p>
<p>पक्राउ पर्नेहरूमा मोरङ रतुवामाइ नगरपालिका-२ बस्‍ने २१ वर्षीय कनैया गनगाई र सोही नगरपालिका-८ बस्‍ने २० वर्षीय राजकुमार गनगाई रहेका छन् । ईलाका प्रहरी कार्यालय दमकबाट खटिएको प्रहरीले को.२१ प १०३ नम्बरको मोटरसाइकललाई जाँच गर्ने क्रममा कनैयाको शरीरका विभिन्न भागमा लुकाई ल्याएको उक्त पदार्थसहित मोटरसाइकलमा सवार उनीहरूलाई पक्राउ गरेको हो । </p>
<p>यसैगरी झापा मेचीनगर नगरपालिका-६ स्थित मेचीपुलबाट नियन्त्रित लागूऔषध १० एम्पुल लुपिजेसिक, १० एम्पुल फेनारगन र १० एम्पुल डाईजेपापसहित मोरङ उर्लाबारी नगरपालिका-२ बस्‍ने ३१ वर्षीय सुजन परियारलाई बिहीबार दिउँसो प्रहरीले पक्राउ गरेको छ । <br />
</p>
प्रतिक्रिया दिनुहोस्
.jpg)
