सवारी चालक तालिम समापन
<p>काठमाडौ। राष्ट्रिय प्रहरी प्रशिक्षण प्रतिष्ठानले प्रहरी प्रधान कार्यालयमा सञ्चालन गरेको सवारी चालक तालिम शुक्रबार सम्पन्न भएको छ।</p>
<p> तालिम समापनका अवसरमा आयोजित एक कार्यक्रममा सोही महाशाखाका प्रहरी वरिष्ठ उपरीक्षक ई. नरोत्तम लाल प्रधानले प्रशिक्षार्थीहरुलाई प्रमाणपत्र प्रदान गरेका थिए।</p>
<p>सो अवसरमा प्रहरी वरिष्ठ उपरीक्षक प्रधानले सवारी साधनमा आएका समस्यालाई समाधान गर्न तालिममा सिकेका ज्ञान, सीपलाई ब्यवहारमा लागु गर्न प्रशिक्षार्थीलाई निर्देशन दिएका थिए।</p>
<p>मंसिर २३ गतेदेखि संचालित उक्त तालिममा प्रहरी सहायक निरीक्षक ६, प्रहरी हवल्दार ९ र प्रहरी जवान १२ गरी कुल २७ जना प्रशिक्षार्थीको सहभागिता थियो। <br />
</p>
प्रतिक्रिया दिनुहोस्
.jpg)
