सेपत-भर्स्याङ-देउराली-पञ्चासे सडक निर्माण सुरु
<p>काठमाडौं। स्याङ्जाको आँधीखोला गाउँपालिका-४ मा सेपत- भर्स्याङ-देउराली-पञ्चासे सडक निर्माण कार्य सुरु भएको छ।</p>
<p>गाउँपालिकाका अध्यक्ष सुधिरकुमार पौडेलले उक्त सडकको स्तरोन्नती तथा कालोपत्रे गर्ने कार्यको शिलान्यास गरे।</p>
<p>दुई वर्षभित्र सडक निर्माण कार्य सम्पन्न गर्ने लक्ष्य लिइएको छ। पाँच किलोमिटर दुरीको उक्त सडक निर्माणपछि सेपत-लप्सीबोट-भर्स्याङ-पातालखर्च-देउराली-रिमालस्वाँरा हुँदै श्रवणकुमार पञ्चासे जाने सर्वसाधरणलाई सहज हुने गाउँपालिका अध्यक्ष पौडेलले बताए।</p>
<p>“सडकको स्तरोन्नती भएपछि स्थानीय स्तरमा उत्पादन हुने तरकारी, फलफुल लगायतका कृषि उत्पादनहरुले सजिलै बजार पाउने छन्। त्यसले यहाँको सामाजिक तथा आर्थिक प्रगतिमा टेवा पु¥याउने छ,” गाउँपालिका अध्यक्ष पौडेलले देखापढीसँग भने।</p>
<p>सडक निर्माणको लागि ठेकदार कम्पनीसँग गत पुस ५ गते सम्झौता गरिएको थियो। गाउँपालिकाका इन्जिनियर प्रकाश पौडेलका अनुसार सम्झौतामा २०७९ पुस ५ गते काम सम्पन्न गरिसक्नु पर्ने उल्लेख छ। </p>
<p>शिलान्यास कार्यक्रम आँधीखोला गाउँपालिका-४ का वडाध्यक्ष चिन्तामणि पौडेलको अध्यक्षतामा सम्पन्न भएको थियो। <br />
</p>
प्रतिक्रिया दिनुहोस्
.jpg)
