कलंकीबाट लागूऔषध सहित तीन जना पक्राउ
<p>काठमाडौं। काठमाडौं महानगरपालिका-१४ कलंकी मकालु पेट्रोल पम्प अगाडिबाट नियन्त्रित लागू औषधसहित ३ जनालाई शनिबार दिउँसो प्रहरीले पक्राउ गरेको छ। <br />
<br />
पक्राउ पर्नेहरुमा काठमाडौं महानगरपालिका-१४ रविभवन बस्ने नकुल श्रेष्ठ, गोरखा पालुङटार नगरपालिका-२ का गणेश श्रेष्ठ र चितवन भरतपुर महानगरपालिका-२ बस्‍ने तनहुँ बन्दिपुर घर भएका मनोज नेपाली छन्। </p>
<p>प्रहरीले उनीहरुको साथबाट १५ ट्याब्लेट नाइट्राजेपाम नाइट्राभेट, १ सय एम्पुल डाइजेलाप, १ सय एम्पुल बुप्रेनोर्फिन (नूफिन) र १ सय एम्पुल फेनारगन बरामद गरेको छ।</p>
<p>लागू औषध नियन्त्रण व्यूरो कोटेश्‍वरबाट खटिएको प्रहरीले उनीहरुलाई उक्त लागूऔषध सहित पक्राउ गरेको हो। घटनाका सम्बन्धमा थप अनुसन्धान भइरहेको जनाइएको छ।<br />
</p>
प्रतिक्रिया दिनुहोस्
.jpg)
