घरमा लुकाएको अवस्थामा ६ वटा बन्दुक फेला, एक पक्राउ
<p style="text-align: justify;">काठमाडौँ। स्याङ्जाको चापाकोट नगरपालिका–३ इनासकोटका एकजनालाई प्रहरीले छ थान भरुवा बन्दुकसहित प्रहरीले पक्राउ गरेको छ।</p>
<p style="text-align: justify;">४७ वर्षीय गोपाल कामीलाई प्रहरीले हिजो दिउँसो बन्दुकसहित पक्राउ गरेको हो।</p>
<p style="text-align: justify;">घरभित्र अवैध रूपमा हातहतियार लुकाई राखेको भन्ने सूचनाको आधारमा प्रहरी चौकी मल्याङकोट र प्रहरी चौकी चापाकोटबाट प्रहरी टोली उनको घरमा गएको थियो।</p>
<p style="text-align: justify;">टोलीले घर तलासी गर्दा उक्त परिमाणका बन्दुकहरू फेला पारेपछि ती बन्दुकहरू बरामद गरेर कामीलाई पनि पक्राउ गरेको हो।</p>
<p style="text-align: justify;">प्रहरीले उनीविरुद्ध हातहतियार खरखजनासम्बन्धी कसूरमा मुद्दा दर्ता गरी अनुसन्धान थालेको जनाएको छ।</p>
.jpg)
