केसी र पाठक साझा पार्टीको केन्द्रीय सदस्य मनोनीत
<p>काठमाडाै‌ं। साझा पार्टीले रजनी केसी र शरदराज पाठकलाई आफ्नो केन्द्रीय समितिमा मनोनीत गर्ने निर्णय गरेको छ। आज पार्टीको केन्द्रीय कार्यालय, बखुण्डोलमा बसेको केन्द्रीय समितिको बैठकले उक्त निर्णय गरेको हो। </p>
<p>प्रवक्ता डा. सूर्यराज आचार्यले आज एक विज्ञप्ति निकालेर दुई केन्द्रीय सदस्य थपिएको जनाएका हुन्।</p>
<p style="text-align:center"><img alt="" height="537" src="https://www.dekhapadhi.com/storage/photos/shares/Politics/2 central committee.jpg" width="684" /></p>
<p>लामो समय नेपाल विद्यार्थी संघ र महिला संघमा क्रियाशील कास्कीकी रजनी केसीले साझा पार्टी निर्माणमा संलग्न हुन गत महिना पोखरा विश्वविद्यालयको उपप्रशासकको पदबाट राजीनामा दिएकी थिइन्। </p>
<p>उनले जनसंख्या, लैङ्गिक अध्ययन तथा विकासमा स्नातकोत्तर गरेकी छन्।</p>
<p>शरदराज पाठक स्थापनाकालदेखि नै साझा पार्टीमा सकृय छन्। </p>
<p>ग्रामीण विकासमा स्नातकोत्तर तथा अर्थशास्त्र र अंग्रेजीमा स्नातक गरेका पाठक पूर्व पत्रकार हुन्। उनी गत निर्वाचनमा साझा पार्टीको तर्फबाट चितवन क्षेत्र नं ३ का उमेद्वार थिए।<br />
</p>
प्रतिक्रिया दिनुहोस्
.jpg)
