आगोले जलेर दुईजनाको मृत्यु
<p style="text-align: justify;">काठमाडौँ। सिरहाको मिर्चैया नगरपालिका–७ मौराहामा एक बालकको जलेर मृत्यु भएको छ।</p>
<p style="text-align: justify;">रफिक राइनको घरमा बुधबार साँझ घुरबाट आगो सल्किँदा घरभित्र सुतिरहेका उनको आठ वर्षीय छोरा जाविर राइनको जलेर मृत्यु भएको हो।</p>
<p style="text-align: justify;">आगलागीबाट राइनको घर, काठपात गरी करिब पाँच लाख रूपैयाँबराबरको धनमाल जलेर नष्ट भएको छ।</p>
<p style="text-align: justify;">यस्तै, गुल्मीको धुर्कोट गाउँपालिका–५ बस्तु बस्ने ८२ वर्षीया जयकला भण्डारीको आफ्नै घरमा आगो ताप्ने क्रममा कपडाबाट आगो सल्किँदा जलेर मृत्यु भएको छ।</p>
<p style="text-align: justify;">आगोले जलेर उनी गम्भीर घाइते भएकी थिइन्। उपचारका लागि मिसन अस्पताल पठाएकोमा बुधबार बिहान मृत्यु भएको जिल्ला प्रहरी कार्यालय गुल्मीले जनाएको छ।</p>
.jpg)
