भक्तपुरमा पहेँलो धातु देखाएर सुन र नगद ठगी
<p style="text-align: justify;">काठमाडौं। भक्तपुरमा नचिनेका दुई जना मानिसले सुनजस्तो देखिने पहेँलो धातु देखाएर एक महिलाको सुन र नगद ठगी गरेका छन्।</p>
<p style="text-align: justify;">उनीहरूले ४५ वर्षीया महिलाको दुई तोलाको सुनको एक जोर रिङ र नगद तीन हजार रूपैयाँ ठगी गरेको महानगरीय प्रहरी परिसर भक्तपुरले जनाएको छ।<br />
<br />
परिसरका अनुसार पीडित महिलाले भक्तपुर नगरपालिका-१ मा रहेको औद्यौगिक क्षेत्रमा ठगिएको बताएकी छिन्।</p>
<p style="text-align: justify;">पीडित महिला सिन्धुपाल्चोकको लिसंखु गाउँपालिका-१ की हुन्। </p>
<p style="text-align: justify;">उनी मानव अंग प्रत्यारोपण केन्द्र दूधपाटीमा मिर्गौलाको उपचार गराउँदै आएकी छिन्।</p>
<p style="text-align: justify;">प्रहरीले ठगी गर्ने व्यक्तिहरूको खोजी कार्य थालेको परिसर प्रवक्ता डीएसपी दीपक गिरीले बताए।</p>
.jpg)
