पुस १६ देखि कक्षा १२ को पुनः परीक्षा हुने (तालिकासहित)
<p>काठमाडौं। पुस १६ गतेदेखि कक्षा १२ को पुनः परीक्षा हुने भएको छ।</p>
<p>राष्ट्रिय परीक्षा बोर्डले एक सूचना जारी गर्दै पुस १६ गतेदेखि कक्षा १२ को पुनः परीक्षा हुने जनाएको हो। </p>
<p>कोरोना संक्रमणका कारण गत मंसिर ९ गतेदेखि भएको परीक्षा दिन नपाएका परीक्षार्थीले अब १६ गतेबाट परीक्षा दिन पाउने भएका हुन्। बोर्डले परीक्षा तालिका समेत सार्वजनिक गरेको छ। </p>
<p>बोर्डले कक्षा १२ को परीक्षा मंसिर ९ गतेदेखि १६ गतेसम्म सञ्चालन गरेको थियो। संक्रमणको कारण परीक्षा दिन नपाएका परीक्षार्थीले बोर्ड समक्ष निवेदन दिएका थिए। </p>
<p>स्वास्थ्य सुरक्षासम्बन्धी मापदण्ड र सामाजिक दुरीको पालना गर्दै सम्बन्धित विद्यालयमै सञ्चालन गर्ने गरी परीक्षाको समय तालिका प्रकाशन गरिएको हो। </p>
<p>पुस १६ गतेबाट सुरू हुुने परीक्षा पुष २३ गते सकिनेछ। कक्षा १२ को वार्षिक परीक्षा गत वैशाखमा नै हुने कार्यतालिका थियो। तर, कोरोना महामारीका कारण मंसिरमा भएको थियो।</p>
<p>बोर्डले यो वर्ष आफूले अध्ययन गरेकै विद्यालय वा आफ्नो नजिकको पायक पर्ने विद्याललयमा नै परीक्षा दिने व्यवस्था मिलाएको थियो। </p>
<p>कोरोना संक्रमणबाट मुक्त भएर परीक्षा दिने विद्यार्थीले पीसीआर रिपोर्ट सम्बन्धित विद्यालयमार्फत बोर्डमा पठाउनुपर्ने व्यवस्था गरेको थियो। </p>
<p><img alt="" src="/uploads/editor/2020-12-27/071912809exam 12.jpg" /></p>
प्रतिक्रिया दिनुहोस्
.jpg)
