बागलुङमा १३ थान भरुवा बन्दुक बरामद
<p>काठमाडौं। प्रहरीले बागलुङ जिल्लाका विभिन्न स्थानबाट आइतबार दिउँसो १३ थान भरुवा बन्दुक बरामद गरेको छ।</p>
<p>प्रहरीले जिल्लाको एक गाउँपालिका र एक नगरपालिकाबाट बेवारिस अवस्थामा रहेका भरुवा बन्दुक फेला पारेको हो।</p>
<p>बढीगाड गाउँपालिका-१ को सामुदायिक वनको पैयूको रुखमुनि लुकाएर राखिएको बेवारिस ८ थान भरुवा बन्दुक फेला परेको छ।</p>
<p>सोही गाउँपालिका-३ को लग्दी खोलाको किनारबाट २ थान बेवारिस बन्दुक फेला परेको हो। </p>
<p>यसैगरी, गलकोट नगरपालिका–९ कार्तिकेको जंगलबाट ३ थान भरुवा बन्दुक बरामद भएको र यस विषयमा थप अनुसन्धान भइरहेको प्रहरीले बताएको छ।</p>
प्रतिक्रिया दिनुहोस्
.jpg)
