श्रीमतीलाई कुटपिट गर्दा लागुऔषध फेला, श्रीमान् पक्राउ
<p>काठमाडौं। बाँकेको कोहलपुर नगरपालिका-११ बाट एक जनालाई प्रहरीले लागुऔषध चरेससहित पक्राउ गरेको छ।</p>
<p>डेरा गरी बस्ने मुगुको खत्याड गाउँपालिका-९ घर भएका २२ वर्षीय उमाकान्त कार्कीलाई एक किलो ९०० ग्राम चरेससहित प्रहरीले मंगलबार राति पक्राउ गरेको हो।</p>
<p>उमाकान्तले श्रीमतीलाई कुटपिट गरेको घटनापछि इलाका प्रहरी कार्यालय कोहलपुरबाट प्रहरी उनीहरूको डेरा पुगेको थियो।</p>
<p>सोधपुछको क्रममा चरेस खाएर कुटपिट गरेको खुलेपछि उनलाई पक्राउ गरेको प्रहरीले जनाएको छ।</p>
<p>प्रहरीले उनीविरुद्ध लागुऔषध नियन्त्रण ऐनअन्तर्गत मुद्दा दर्ता गरेर अनुसन्धान थालेको जनाएको छ।</p>
प्रतिक्रिया दिनुहोस्
.jpg)
