लम्बोदर न्यौपानेको बन्दीप्रत्यक्षीकरण मुद्दा ‘हेर्न नमिल्ने’
<p>काठमाडौं। सर्वोच्च अदालतले नेपाल इञ्जिनियरिङ कलेजका पूर्वअध्यक्ष लम्बोदरकुमार न्यौपानेको बन्दी प्रत्यक्षीकरण मुद्दा ‘हेर्न नमिल्ने’ भएको जनाएको छ।</p>
<p>मुद्दाको पेशी न्यायाधीशद्वय दीपककुमार कार्की र मनोजकुमार शर्माको संयुक्त इजलासमा तोकिएको थियो। </p>
<p>यसअघि शुक्रबार यो मुद्दा न्यायाधीश दीपककुमार कार्कीको इजलासमा थियो। कार्कीले मुद्दा हेरिसकेकोले फेरि नमिल्ने भएको अदालतले जनाएको छ।</p>
<p>लम्बोदर न्यौपानेलाई थुनामुक्त गर्नुपर्ने मागसहित निर्मल न्यौपानेले यही मंसिरको १९ गते प्रहरी प्रधान कार्यालय र केन्द्रीय अनुसन्धान ब्यूरो (सीआईबी) लाई प्रतिवादी बनाएर बन्दी प्रत्यक्षीकरण मुद्दा दायर गरेका थिए।</p>
<p>गत मंसिरको २२ गते न्यायाधीश मीरा खड्काको एकल इजलासले मुद्दाको प्रारम्भिक सुनुवाइ गर्दै हिरासतमा राख्नुको कारणबारे प्रहरी प्रधान कार्यालय र सीआइबीको नाममा कारण देखाउ आदेश जारी गरेको थियो।</p>
<p>लम्बोदरविरुद्ध ठगी मुद्दा छ। उक्त मुद्दाको अनुसन्धान सीआइबीले गरिरहेको छ। </p>
<p>उनी अध्यक्ष भएका बेला इञ्जिनियरिङ कलेजको २३ करोड १० लाख २३ हजार ४४३ बेरूजु देखिएको थियो। त्यसमध्ये ३ करोड ७१ लाख ५३ हजार ६५० रूपैयाँ बेरूजु उनको नाममा छ।</p>
<p><br />
</p>
प्रतिक्रिया दिनुहोस्
.jpg)
