सवारी दुर्घटनामा चार जनाको मृत्यु
<p>काठमाडौं। देशको विभिन्न स्थानमा भएको सवारी दुर्घटनामा परी चार जनाको मृत्यु भएको छ। </p>
<p>जिल्ला प्रहरी कार्यालय धनुषाका अनुसार गणेशमान चारनाथ नगरपालिका-८ कमलापुलमा ट्रकको ठक्करबाट साइकलयात्री सिरहाको कर्जन्हा नगरपालिका- बन्दीपुरका ५५ वर्षीय नथुनी विकको मृत्यु भएको छ। </p>
<p>शनिबार दिँउसो ना. ५ ख ४७४९ नम्बरको ट्रकको ठक्करबाट उनी गम्भीर घाइते भएकी उनको फूलकुमारी मेमोरियल अस्पताल कर्जनामा उपचारको क्रममा मृत्यु भएको थियो। ट्रक र चालकलाई प्रहरीले नियन्त्रणमा लिएको छ।<br />
<br />
शनिबारै दिउँसो बझाङको तलकोट गाउँपालिका-चिरकिट्टेमा टिपर सडकबाट करिब ५० मिटर तल खसेर दुर्घटना हुँदा दुई जनाको मृत्यु भएको छ। </p>
<p>दुर्घटनामा बा.३ क ६०० नम्बरको टिपरमा सवार कञ्चनपुरको भीमदत्त नगरपालिका-१९ का २१ वर्षीय मनोज भट्ट र अर्का एक जनाको मृत्यु भएको हो। </p>
<p>दुर्घटना गम्भीर घाइते भएका उनीहरूको जिल्ला अस्पतालमा उपचारको क्रममा मृत्यु भएको थियो।<br />
<br />
यस्तै, गोरखाको सिरानचोक गाउँपालिका-२ थालाजुङमास्थित नयाँ गाउँमा बसको ढोकाबाट खसेर सोही गाउँपालिका सिरिचौर बस्ने ४८ वर्षीय बुद्धिबहादुर रम्तेलको शनिबार साँझ मृत्यु भएको छ।</p>
<p>बसबाट खसेर गम्भीर घाइते भएका उनको प्राथमिक स्वास्थ्य केन्द्र भच्चेकमा उपचारको क्रममा मृत्यु भएको थियो। बस र चालकलाई प्रहरीले नियन्त्रणमा लिएको छ।</p>
प्रतिक्रिया दिनुहोस्
.jpg)
