दरबारमार्गस्थित नेपाल इन्भेष्टमेन्ट बैंकको एटीएम मेसिन फुटाउने पक्राउ
<p>काठमाडौं। काठमाडौंको दरबार मार्गमा रहेको नेपाल इन्भेष्टमेन्ट बैंक लिमिटेडको केन्द्रीय कार्यालयको एटीएम दिउँसै मेसिन फुटाउँदै गर्दा एकजना पक्राउ परेका छन्।</p>
<p>पक्राउ पर्नेमा ३० वर्षीय आनन्द तामाङ रहेका छन्। उनी काठमाडौंको कपन बस्दै आएका छन्। घर चाहिँ खोटाङ रहेको खुलेको छ। </p>
<p>महानगरीय प्रहरी वृत्त दरबारमार्गले शनिबार दिउँसो १ बजेको समयमा उनलाई पक्राउ गरेको हो। सोही वृत्तमा उनलाई राखिएको छ।</p>
<p>महानगरीय प्रहरी परिसर काठमाडौंले दिउँसो १२:३० बजेतिर आनन्दले एटीएम फुटाएको जनाएको छ।</p>
<p>परिसरका अनुसार उनले एटीएमको सिसा फुटाइसकेको पाइएको छ। उनले बैैंकको सुरक्षामा खटिएका सुरक्षाकर्मीमाथि पनि हातपात गरेका छ्न्।</p>
<p>राजधानी काठमाडौं जस्तो सुरक्षा व्यवस्था कडा भनिएको ठाउँमा बैंक दिनदिनै असुरक्षित बन्दै गएको छ। </p>
<p>यसले काठमाडौंको सुरक्षा व्यवस्थामाथि प्रश्न उब्जाएको छ।</p>
प्रतिक्रिया दिनुहोस्
.jpg)
