.jpg)
एकैदिन काठमाडौं उपत्यकामा १७ सयभन्दा बढी सवारी चालकमाथि कारबाही
<p>काठमाडौं। ट्राफिक प्रहरीले एकैदिन काठमाडौं उपत्यकामा एक हजार ७४४ सवारीचालकलाई कारबाही गरेको छ।</p>
<p>ट्राफिक नियम उल्लंघन गरेका कारण उनीहरूलाई सोमबार कारबाही गरिएको हो।</p>
<p>“विभिन्न ट्राफिक नियम उल्लंघन गर्ने एक हजार ७४४ जना चालकलाई हिजो ट्राफिक प्रहरीले कारबाही गरेको छ,” ट्राफिक प्रहरीद्वारा जारी विज्ञप्तिमा उल्लेख छ।</p>
<p>कारबाहीमा पर्ने सवारी चालकहरूमा मिटरमा गुड्न नमान्ने ट्याक्सी चालक, मादक पदार्थ सेवन गरी सवारी चलाउने, जथाभाबी पार्किङ् गर्ने, निशेधित क्षेत्रमा हर्न बजाउने लगायत छन्।</p>
<p>हिजो नै ट्राफिक प्रहरीले जोरबिजोर प्रणाली उल्लंघन गर्ने ७३३ सवारीसाधनलाई नियन्त्रणमा लिएको छ।</p>
<p>यस्तै पछिल्लो २४ घण्टामा उपत्यकामा भएका ३९ वटा सवारी दुर्घटनामा २८ जना घाइते भएका छन्।</p>
<p>घाइतेहरूको विभिन्न अस्पतालमा उपचार भइरहेको छ।</p>
प्रतिक्रिया दिनुहोस्
.jpg)
