लागुऔषधसहित आठजना पक्राउ
<p>काठमाडौं। रूपन्देहीको बुटवल उपमहानगरपालिका-९, बसपार्कबाट दुईजना गाँजासहित पक्राउ परेका छन्।</p>
<p>पक्राउ पर्नेहरूमा सोही उपमहानरगपालिका-११, देवीनगरका २० वर्षीय पदम थापा र सोही ठाउँ बस्ने १६ वर्षीय किशोर छन्।</p>
<p>उनीहरूको साथबाट प्रहरीले ८०० ग्राम लागुऔषध गाँजा बरामद गरेको छ। </p>
<p>प्रहरी बिट बसपार्कबाट खटिएको प्रहरीले चेकजाँचको क्रममा गाँजा फेला परेपछि उनीहरूलाई पक्राउ गरेको जनाएको छ।</p>
<p>यस्तै, दाङको गढवा गाउँपालिका-१, जुरौनीका ३२ वर्षीय गफुर मियाँसहित ६ जना करिब ३० ग्राम ब्राउनसुगरसहित पक्राउ परेका छन्।</p>
<p>आइतबार राति इलाका प्रहरी कार्यालय गढवाबाट खटिएको प्रहरीले उनीहरूलाई पक्राउ गरेको हो।</p>
<p>प्रहरीले उनीहरूविरुद्ध लागुऔषध नियन्त्रण ऐनअन्तर्गत मुद्दा दर्ता गरी अनुसन्धान थाल्ने तयारी गरेको छ।</p>
प्रतिक्रिया दिनुहोस्
.jpg)
