कुटपिटबाट सामान्य घाइते भाइको मृत्युपछि वृद्ध दाइ पक्राउ
<p style="text-align: justify;">काठमाडौं। सिन्धुपाल्चोकको लिसंखुपाखर गाउँपालिका-२, बभोलीका एक वृद्ध आफ्नै भाइलाई कुटपिट गरेको आरोपमा पक्राउ परेका छन्।</p>
<p style="text-align: justify;">७५ वर्षीय भाइ पेमा घ्याम्सो लामालाई कुटपिट गरेको भन्दै प्रहरीले ८४ वर्षीय कर्मा ओङचु लामालाई गएराति पक्राउ गरेको हो।</p>
<p style="text-align: justify;">शुक्रबार मादक पदार्थ सेवनपछि उनीहरूबीच झगडा भएको थियो।</p>
<p style="text-align: justify;">सो क्रममा पेमा घ्याम्सो सामान्य घाइते भएको र उनी घरमा गएर सुतेकोमा शनिबार दिउँसो सुतेकै अवस्थामा उनी मृत फेला परेका थिए।</p>
<p style="text-align: justify;">पेमाको मृत्यु भएको खबरपछि इलाका प्रहरी कार्यालय बाह्रबिसे र प्रहरी चौकी लिसंखुबाट खटिएको प्रहरीले कर्मालाई पक्राउ गरेको हो।</p>
<p style="text-align: justify;">प्रहरीले उनीविरुद्ध हिरासतमा राखेर अनुसन्धान गरिरहेको जनाएको छ। </p>
.jpg)
