तनहुँ मासुमा आत्मनिर्भर
<p>तनहुँ। तनहुँमा मासु उत्पादन बर्सेनि बढ्दै गएको छ।</p>
<p>गत आर्थिक वर्षमा चार हजार ५७५ मेट्रिक टन मासु उत्पादन भएकामा यस वर्ष चार हजार ६९४ मेट्रिक टन मासु उत्पादन भएको छ।</p>
<p>गत वर्षकाे तुलनामा यस वर्ष ११९ मेट्रिक टन बढी मासु उत्पादन भएको भेटेरीनरी अस्पताल तथा पशुसेवा विज्ञ केन्द्र तनहुँले जनाएको छ।</p>
<p>वार्षिक चार हजार ५२६ दशमलव ३८ मेट्रिक टन आवश्यक पर्ने जिल्ला उत्पादन वृद्धि भएपछि मासुमा आत्मनिर्भर बनेको छ।</p>
<p>दूध र अण्डामा आत्मनिर्भर बनेर अन्य जिल्लामा निर्यात गर्न थालेको तनहुँ पछिल्लो समय मासुमा समेत आत्मनिर्भर बनी निर्यातसमेत गर्न थालेको छ।</p>
<p>कृषकको आकर्षण माछामासु र पशुपक्षीपालनतर्फ बढेसँगै माछामासुमा जिल्ला सक्षम बन्न सकेको छ। </p>
<p>केही समय पहिलासम्म माग पूरा गर्न नसक्दा व्यवसायीले छिमेकी राष्ट्रबाट खसीबोका ल्याउने गरे पनि अहिले उत्पादन बढेपछि आयात प्रायःशून्य भएको केन्द्रका सूचना अधिकारी डा. शर्मिला कुमालले बताइन्। <em>रासस</em></p>
प्रतिक्रिया दिनुहोस्
.jpg)
